Leagtar amach inár Ráitis Straitéise conas a bhainfimid amach ár misean chun seirbhís ionchúisimh atá cothrom, neamhspleách agus éifeachtach a sholáthar do mhuintir uile na hÉireann.

Cuireadh chun aighneacht a chur isteach: Ráiteas Straitéise 2025-2027 de chuid Oifig an Stiúrthóra Ionchúiseamh Poiblí

Tá Oifig an Stiúrthóra Ionchúiseamh Poiblí i mbun comhairliúcháin faoi láthair maidir lena Ráiteas Straitéise 2025-2027. Cuirfidh an doiciméad seo treoir straitéiseach ar fáil don Oifig thar an chéad tréimhse trí bliana eile agus í ag leanúint lena chinntiú go gcuirfear seirbhís ionchúisimh atá cothrom, neamhspleách agus éifeachtach ar fáil thar ceann mhuintir uile na hÉireann.
Ba mhaith le hOifig an Stiúrthóra Ionchúiseamh Poiblí cuireadh a thabhairt chun páirt a ghlacadh inár bpróiseas comhairliúcháin dár Ráiteas Straitéise nua 2025-2027. Táimid ag lorg aighneachtaí ó dhaoine aonair, ó ghrúpaí agus ó pháirtithe leasmhara eile lena chinntiú go léiríonn ár Straitéis dearcthaí éagsúla ár bpáirtithe leasmhara agus an timpeallacht ina n-oibrímid. Is mian linn freisin go mbeidh ár Straitéis láidir agus fadbhreathnaitheach.
Féadfar aiseolas a sholáthar trí aighneacht i scríbhinn faoi threoir na gceisteanna a leagtar amach sa doiciméad comhairliúcháin seo.
Is féidir cóip dár Ráiteas Straitéise reatha 2022-2024 a fheiceáil anseo.
Is féidir aighneachtaí scríofa a sheoladh trí ríomhphost chuig strategy.unit@dppireland.ie nó sa phost chuig:
Comhairliúchán ar an Ráiteas Straitéise
Oifig an Stiúrthóra Ionchúiseamh Poiblí
Bóthar na hOtharlainne
Baile Átha Cliath 7, D07 FHN8
Éire
Chun go mbeifear in ann breithniú iomlán a dhéanamh ar gach ionchur a fhaightear, iarrtar ar gach aighneacht a bheith seolta faoi am scoir gnó Dé hAoine, an 9ú Lúnasa 2024.
Go raibh maith agat as ucht bhur gcuid tacaíochta.