Category: Na Folúntais is Deireanaí

28 October 2026

Tá lúcháir ar Oifig an Stiúrthóra Ionchúiseamh Poiblí (DPP) ár gComórtas d’Oifigeach Cléireachais a sheoladh chun roinnt post buan a líonadh laistigh den Oifig.

Is deis iontach í seo chun tús a chur le gairm bheatha thairbheach i seirbhís phoiblí na hÉireann agus ról tábhachtach a ghlacadh i dtaca le tacú le hionchúiseamh na coireachta. Cuireann Oifigigh Cléireachais tacaíocht riaracháin riachtanach ar fáil do ghairmithe dlí agus rannchuidíonn siad le hoibriú éifeachtach na hOifige trí raon leathan feidhmeanna riaracháin agus seirbhíse do chustaiméirí.

Beidh deis ag iarrthóirí rathúla oibriú i dtimpeallacht ghairmiúil agus chomhoibríoch, ag tabhairt faoi dhualgais amhail comhfhreagras a phróiseáil, taifid a choinneáil, tacaíocht fáiltithe agus teileafóin a sholáthar, faisnéis a bhainistiú ar chórais cásbhainistíochta, agus tacú le comhghleacaithe ar fud na heagraíochta. Tugann an ról seo taithí luachmhar i riarachán oifige, i mbainistíocht faisnéise, i seirbhís do chustaiméirí agus in úsáid córas TFC nua-aimseartha.

Táimid ag lorg iarrthóirí atá eagraithe, iontaofa, dírithe ar mhionsonraí agus atá in ann oibriú go neamhspleách agus mar chuid d’fhoireann. D’fhéadfadh an comórtas seo a bheith an-tarraingteach dóibh siúd atá ag iarraidh gairm fhadtéarmach a bhunú laistigh den Státseirbhís agus taithí a fháil i dtimpeallacht oibre uathúil agus bhríoch.

Ós rud é gurb é príomhghnó na hOifige ionchúiseamh na coireachta, d’fhéadfadh teagmháil le comhaid ionchúisimh a bheith i gceist le roinnt post ar féidir ábhar íogair nó anacair a bheith iontu.

Chun sonraí iomlána a fháil faoin ról, faoi na riachtanais agus faoin bpróiseas iarratias, féach an Leabhrán Faisenéise d’Iarrathóití.

Comhlánaigh agus cuir isteach d’Fhoirm Iarratais tríd an nasc RMS atá ar fáil anseo. Is é meánoíche, Céadaoin, 11 Mí na Samhna 2026 an spriocdháta le haghaidh iarratas.

Tá eolas faoi Oifig an Stiúrthóra Ionchúiseamh Poiblí ar fáil anseo ar an suíomh gréasáin seo.

21 October 2026

Tá comórtas á sheoladh ag an ODPP do Thaighdeoirí Dlí agus Bainistíochta Eolais le bheith páirteach inár bhFoireann Taighde Dlí, Bainistíochta Eolais agus Oiliúna. Is deis iontach í seo d’iarrthóirí a bhfuil scileanna láidre taighde dlí agus anailíse acu cur le hobair eagraíochta dinimiciúla atá i gcroílár chóras ceartais choiriúil na hÉireann.

Cuirfidh an t-iarrthóir rathúil taighde agus anailís dlí ar ardchaighdeán ar fáil chun tacú le hIonchúisitheoirí i gcomhlíonadh a ndualgas. D’fhéadfadh baint a bheith ag obair thaighde leis an dlí coiriúil, nós imeachta coiriúil, beartas ionchúisimh agus pointí dlí a eascraíonn as ionchúisimh choiriúla leanúnacha. Is éard atá i gceist leis an ról freisin rannchuidiú le doiciméid bheartais ionchúisimh a fhorbairt agus tacú le freagraí na hOifige ar iarratais ó chomhlachtaí náisiúnta agus idirnáisiúnta.

Chomh maith le freagrachtaí taighde dlí, tá ról lárnach ag Taighdeoirí Dlí agus Bainistíochta Eolais maidir le tacú le Straitéis Bainistíochta Eolais Dlí na hOifige. Áirítear leis sin rannchuidiú le cothabháil agus forbairt chóras bainistíochta eolais dlí Comhroinnte na hOifige, monatóireacht a dhéanamh ar fhorbairtí dlí, tacú le seirbhísí feasachta reatha agus cuidiú le tionscnaimh bhainistíochta eolais ar fud na hOifige.

Ag tuairisciú do Thaighdeoirí Sinsearacha Dlí & Bainistíochta Eolais agus don Bhainisteoir Taighde Dlí, Bainistíochta Eolais agus Oiliúna, éilíonn an ról scileanna taighde dlí agus scríbhneoireachta den scoth, aird láidir ar mhionsonraí, cumas coincheapa casta dlí a chur in iúl go soiléir agus go beacht, agus spéis i bainistíocht eolais agus foghlaim leanúnach.

Is deis spreagúil í seo d’iarrthóirí ar mian leo a gcuid saineolais i dtaighde dlí a fhorbairt agus ag an am céanna cur le riaradh cothrom agus éifeachtach an cheartais.

Bunófar painéal ón gcomórtas seo agus fanfaidh sé gníomhach ar feadh 18 mí.

Toisc gurb é príomhghnó na hOifige ionchúiseamh na coireachta, beidh roinnt teagmhála ag gach ball foirne dlí a fhostaíonn an Oifig le comhaid ionchúisimh, a bhféadfadh ábhar de chineál anacair a bheith iontu.

Chun sonraí iomlána a fháil faoin ról, faoi na riachtanais agus faoin bpróiseas iarratias, féach an Leabhrán Faisenéise d’Iarrathóití.

Comhlánaigh agus cuir isteach d’Fhoirm Iarratais agus do CV tríd an nasc RMS atá ar fáil anseo. Is é meánoíche Déardaoin, 24 Meán Fómhair 2026 an spriocdháta le haghaidh iarratas.

Tá eolas faoi Oifig an Stiúrthóra Ionchúiseamh Poiblí ar fáil anseo ar an suíomh gréasáin seo.

12 October 2026

Tá iarratais oscailte anois do Chlár Intéirneachta an Dlí Phoiblí 2027 (ar a dtugtaí Clár Intéirneachta Rochtana Dlí roimhe seo). Tá sé mar aidhm ag an ainm nua seo léiriú níos fearr a thabhairt ar an réimse leathan deiseanna gairme dlí atá ar fáil i measc eagraíochtaí earnála poiblí atá rannpháirteach.

Tá an clár á reáchtáil go rathúil le roinnt blianta anuas agus cuireann sé deis ar fáil do mhic léinn ó chúlraí atá faoi ghannionadaíocht taithí luachmhar a fháil i dtimpeallacht dhlíthiúil san earnáil phoiblí. Tabharfaidh na hiarratasóirí rathúla faoi intéirneacht íoctha dhá mhí a thosóidh i mí an Mheithimh 2027.

Eagraíochtaí rannpháirteacha:

Critéir cháilitheachta

Tá an clár oscailte do mhic léinn dlí fochéime sa bhliain dheireanach (nó do mhic léinn atá ag déanamh staidéir ar cháilíocht choibhéiseach ina bhfuil an dlí ina phríomhábhar) a chomhlíonann critéir cháilitheachta áirithe.

Is féidir le hiarratasóirí cáiliú faoi cheann amháin nó níos mó de na bealaí seo a leanas:

Bealach 1: Clár rochtana/Bealach rochtana

Chuaigh tú isteach san ardoideachas trí chlár rochtana nó trí bhealach rochtana, lena n-áirítear:

Bealach 2: Tacaíocht airgeadais ó SUSI

Tá ceann de na nithe seo a leanas á fháil agat faoi láthair, nó fuair tú ceann acu roimhe seo:

Bealach 3: Úsáideoir seirbhíse tacaíochta míchumais cláraithe

Tá tú cláraithe leis an tseirbhís tacaíochta do dhaoine faoi mhíchumas i d’institiúid ardoideachais, agus faigheann tú tacaíocht uaithi faoi láthair.

Beidh ar iarratasóirí doiciméadúchán tacaíochta a sholáthar mar chuid den phróiseas iarratais.

Conas Iarratas a Dhéanamh

Tá na sonraí iomlána – lena n-áirítear critéir cháilitheachta, eagraíochtaí rannpháirteacha agus eolas faoin iarratas – ar fáil sa leabhrán eolais agus san fhoirm iarratais ar shuíomh gréasáin an Oireachtais: Taithí oibre – Tithe an Oireachtais.

An dáta deiridh a nglacfar le hiarratais: 1 p.m. Dé hAoine, 30ú Deireadh Fómhair 2026