Faisnéis Achomhairc

Is féidir. Bíonn an tslí ina ndéanann an cúisí sin ag brath ar an áit inar seoladh an triail bhunaidh.

Má seoladh an triail i gCúirt Dúiche, is féidir leis an gcúisí:

• Achomharc i gcoinne an chiontaithe nó na pianbhreithe a dhéanamh chun na Cúirte Cuarda; agus
• Athéisteacht iomlán a fháil ar an gcás, rud a chiallaíonn go mbeadh ort freastal sa chúirt arís mar fhinné.

Má seoladh an triail sa Chúirt Chuarda, sa Phríomh-Chúirt Choiriúil nó san Chúirt Choiriúil Speisialta, is féidir leis an gcúisí achomharc i gcoinne na pianbhreithe nó an chiontaithe a dhéanamh chun na Cúirte Achomhairc (Coiriúil). Sa chúirt seo:

• Suíonn triúr Breitheamh Cúirte Achomhairc le chéile chun an t-achomharc a éisteacht; agus
• Léann an breithiúna scríbhinn den triail bhunaidh in ionad an fhianaise a éisteacht arís.

De ghnáth, ní mór don chúisí fanacht i bpríosún fad atá sé nó sí ag fanacht leis an gcás a bheith ann sa Chúirt Achomhairc (Coiriúil).

Is féidir leat níos mó a léamh faoi chiontú agus achomhairc pianbhreithe anseo.

Is féidir, ach ní féidir sin a dhéanamh ach amháin i gcás inar seoladh an triail sa Chúirt Chuarda, sa Phríomh-Chúirt Choiriúil nó sa Chúirt Choiriúil Speisialta. Ní féidir leis an DPP achomharc a dhéanamh i gcoinne pianbhreithe ón gCúirt Dúiche.

Is féidir leis an DPP a iarraidh ar an gCúirt Achomhairc Choiriúil athbhreithniú a dhéanamh ar phianbhreith a cheapann sí a bheith ‘róthrócaireach’.Ní chuirfidh an Chúirt Achomhairc le pianbhreith de bharr go gceaptar nach bhfuil an phianbhreith sách fada. Ní mhéadófar an pianbhreith ach amháin sa chás go gceaptar nach raibh an ceart ag breitheamh na trialach ó thaobh dlí agus pianbhreith chomh gearr á ghearradh. Ní mór dó/di sin a dhéanamh laistigh de 28 lá ón dáta angearrannan breitheamh an phianbhreith air/uirthi. I roinnt cásanna, féadann an DPP iarratas a dhéanamh ar bhreis ama chun athbhreithniú a iarraidh ach ní rachaidh an tréimhse sin thar 56 lá.

Is féidir leat níos mó a léamh faoi achomhairc i leith boige míchuí anseo.

De réir an dlí, ní féidir leat a iarraidh ar an DPP achomharc a dhéanamh i gcoinne pianbhreithe ach amháin más rud é:

• gur íospartach coireachta tú;
• gur duine de theaghlach íospartaigh coireachta tú;
• is dochtúir, dlíodóir nó oibrí sóisialta atá ag gníomhú thar ceann cliaint thú.

Ina theannta sin, is féidir le dochtúirí, dlíodóirí agus oibrithe sóisialta a iarraidh ar an DPP, thar ceann a gcliant, achomharc a dhéanamh i gcoinne pianbhreithe.

Léifidh na breithiúna taifead scríofa na trialach d’fhonn na húdair a bhí ag breitheamh na trialach le pianbhreith áirithe a ghearradh a léiriú. Ní mheasfaidh siad pianbhreith a bheith ‘róthrócaireach’ ach amháin i gcás ina gcreideann siad go ndearna breitheamh na trialach botún ar phonc dlí.

Ní leasóidh breithiúna cúirte achomhairc pianbhreith ar an mbonn amháin gur dóigh leo an phianbhreith a bheith róbhog nó mar gheall gur pianbhreith eile a bheadh gearrtha acu féin. Dá bhrí sin, is léir nach n-éireoidh le hachomharc ach amháin i líon beag cásanna.

Cad is achomharc i leith ciontaithe ann?

• Ciallaíonn sé gur chuir an duine ciontaithe i do chás achomharc isteach i gcoinne a chiontaithe/ciontaithe. Tá sé á rá acu go ndearna an bhunchúirt earráid sa dlí ag an triail.
• Beidh an Rannán Achomharc ag Oifig an Stiúrthóra Ionchúiseamh Poiblí ag déileáil leis an gcás.
• Cé gur féidir le duine ciontaithe atá sa phríosún iarratas a dhéanamh ar bhannaí agus é nó í ag fanacht leis an achomharc, ní rómhinic a cheadaítear bannaí. Má cheadaítear bannaí, ní dhéantar amhlaidh ach i gcásanna eisceachtúla.
• Nuair a bheidh an páipéarachas ar fad curtha i gcrích ag foireann dhlíthiúil an duine ciontaithe, is féidir leo iarratas a dhéanamh ar dháta don éisteacht.
• Léifidh breithiúna na Cúirte Achomharc an taifead scríofa (na tras-scríbhinní) ar an bhfianaise go léir ón mbuntriail, ionas go mbeidh tuiscint acu ar cad a tharla go díreach.

Cad a bheidh i gceist ag éisteacht chúirte

• Ní chaithfidh tú freastal ar éisteacht an achomhairc, ach is féidir leat freastal uirthi más mian leat.
• Coinneoidh an Garda iniúchta ar an eolas thú faoin achomharc.
• Is féidir leis an nGarda iniúchta cruinniú a eagrú leis an abhcóide ionchúisimh agus aturnae roimh éisteacht an achomhairc más mian leat é sin a dhéanamh.
• Éistfidh trí bhreitheamh an t-achomharc a bheidh ina suí sa Chúirt Achomharc (Coiriúil) a shuíonn sna Cúirteanna Breithiúnais Coiriúla i mBaile Átha Cliath de ghnáth.
• Ar dháta na héisteachta éistfidh na trí bhreitheamh aighneachtaí dlíthiúla ón bhfoireann ionchúisimh agus ón bhfoireann chosanta araon.
• Is annamh go nglaofar ar fhinnéithe ar bith chun fianaise a thabhairt ag an éisteacht seo.
• Má theastaíonn níos mó ama ó na breithiúna chun an cás a bhreithniú, tiocfaidh siad le chéile ar dháta eile lena gcinneadh a thabhairt.
• Má chreideann na breithiúna ná raibh earráid sa bhuntriail, beidh an ciontú bunaidh fós i bhfeidhm.
• Ní dhéanfar ciontú a chealú ach má chinneann siad go raibh earráid sa bhuntriail.
• Má chuirtear ciontú ar ceal, d’fhéadfadh sé go ndéanfaí atriail a ordú.

Cé leis le teagmháil a dhéanamh má bhíonn tuilleadh fiosruithe agat

• Má bhíonn tuilleadh fiosruithe agat, déan teagmháil le do thoil leis an nGarda iniúchta a chuirfidh fiosruithe ar bith ar aghaidh chuig Oifig an Stiúrthóra Ionchúiseamh Poiblí.

Cad is achomharc i leith pianbhreithe ann?

• Ciallaíonn achomharc i leith pianbhreithe gur chuir an duine ciontaithe i do chás achomharc isteach i gcoinne a phianbhreithe/pianbhreithe. Tá sé á rá acu go raibh an phianbhreith bhunaidh róthrom.
• Beidh an Rannán Achomharc ag Oifig an Stiúrthóra Ionchúiseamh Poiblí ag déileáil leis an gcás.
• Cé gur féidir le duine ciontaithe atá sa phríosún iarratas a dhéanamh ar bhannaí agus é nó í ag fanacht leis an achomharc, ní rómhinic a cheadaítear bannaí. Má cheadaítear bannaí, ní dhéantar amhlaidh ach i gcásanna eisceachtúla.
• Nuair a bheidh an páipéarachas ar fad curtha i gcrích ag foireann dhlíthiúil an duine ciontaithe, is féidir leo iarratas a dhéanamh ar dháta don éisteacht.
• Léifidh breithiúna na Cúirte Achomharc an taifead scríofa (na tras-scríbhinní) ar an bhfianaise go léir ón mbunchúirt, ionas go mbeidh tuiscint acu ar cad a tharla go díreach ag an triail.

Cad a bheidh i gceist ag éisteacht chúirte

• Ní chaithfidh tú freastal ar éisteacht an achomhairc, ach is féidir leat freastal uirthi más mian leat.
• Coinneoidh an Garda iniúchta ar an eolas thú faoin achomharc.
• Is féidir leis an nGarda iniúchta cruinniú a eagrú leis an abhcóide ionchúisimh agus aturnae roimh éisteacht an achomhairc más mian leat é sin a dhéanamh.
• Éistfidh trí bhreitheamh an t-achomharc a bheidh ina suí sa Chúirt Achomharc (Coiriúil) a shuíonn sna Cúirteanna Breithiúnais Coiriúla i mBaile Átha Cliath de ghnáth.
• Ar dháta na héisteachta éistfidh na trí bhreitheamh aighneachtaí dlíthiúla ón bhfoireann ionchúisimh agus ón bhfoireann chosanta araon.
• Is annamh go nglaofar ar fhinnéithe ar bith chun fianaise a thabhairt ag an éisteacht seo.
• Má theastaíonn níos mó ama ó na breithiúna chun an cás a bhreithniú, tiocfaidh siad le chéile ar dháta eile lena gcinneadh a thabhairt.
• Féadfaidh na breithiúna a chinneadh go raibh an phianbhreith bhunaidh ceart agus mar sin ní dhéanfaidh siad athrú ar bith ar an bpianbhreith.
• Ar an lámh eile, féadfaidh na breithiúna a chinneadh nach raibh an phianbhreith bhunaidh ceart agus mar sin féadfaidh siad an phianbhreith a laghdú nó a choigeartú.

Cé leis le teagmháil a dhéanamh má bhíonn tuilleadh fiosruithe agat

• Má bhíonn tuilleadh fiosruithe agat, déan teagmháil le do thoil leis an nGarda iniúchta a chuirfidh fiosruithe ar bith ar aghaidh chuig Oifig an Stiúrthóra Ionchúiseamh Poiblí.

Cad is achomharc i leith boige mhíchuí ann?

• Is é is achomharc i leith boige mhíchuí nuair a chreideann an Stiúrthóir Ionchúiseamh Poiblí go raibh an phianbhreith a gearradh ar dhuine ciontaithe i do chás róbhog agus gur chuir sé achomharc isteach.
• Beidh an Rannán Achomharc ag Oifig an Stiúrthóra Ionchúiseamh Poiblí ag déileáil leis an achomharc seo i gcoinne boige mhíchuí.
• Cé gur féidir le duine ciontaithe atá sa phríosún iarratas a dhéanamh ar bhannaí agus é nó í ag fanacht leis an achomharc, ní rómhinic a cheadaítear bannaí. Má cheadaítear bannaí, ní dhéantar amhlaidh ach i gcásanna eisceachtúla.
• Socrófar dáta don éisteacht nuair a bheidh an páipéarachas ar fad curtha i gcrích ag ár nOifig.
• Léifidh breithiúna na Cúirte Achomharc an taifead scríofa (na tras-scríbhinní) ón mbuntriail, lena n-áirítear Ráitis Tionchair Íospartaigh ar bith a rinne tú, ionas go dtuigfear cúiseanna bhreitheamh na trialach leis an bpianbhreith a thabhairt.

Cad a bheidh i gceist ag éisteacht chúirte

• Ní chaithfidh tú freastal ar éisteacht an achomhairc, ach is féidir leat freastal uirthi más mian leat.
• Coinneoidh an Garda iniúchta ar an eolas thú faoin achomharc.
• Is féidir leis an nGarda iniúchta cruinniú a eagrú leis an abhcóide ionchúisimh agus aturnae roimh éisteacht an achomhairc más mian leat é sin a dhéanamh.
• Éistfidh trí bhreitheamh an t-achomharc a bheidh ina suí sa Chúirt Achomharc (Coiriúil) a shuíonn sna Cúirteanna Breithiúnais Coiriúla i mBaile Átha Cliath de ghnáth.
• Ar dháta na héisteachta, éistfidh na trí bhreitheamh aighneachtaí dlíthiúla ón bhfoireann ionchúisimh agus ón bhfoireann chosanta araon.
• Is annamh go nglaofar ar fhinnéithe ar bith chun fianaise a thabhairt ag an éisteacht seo.
• Ní mheasfaidh na breithiúna go bhfuil pianbhreith ‘robhog’ ach sa chás go gcreideann siad go raibh breitheamh na trialach mícheart de réir an dlí pianbhreith chomh bog sin a thabhairt.
• Má theastaíonn níos mó ama ó na breithiúna chun an cás a bhreithniú, tiocfaidh siad le chéile ar dháta eile lena mbreithiúnas a thabhairt.
• Féadfaidh na breithiúna an phianbhreith a mhéadú nó gan í a athrú ar chor ar bith.

Cé leis le teagmháil a dhéanamh má bhíonn tuilleadh fiosruithe agat

• Má bhíonn tuilleadh fiosruithe agat, déan teagmháil le do thoil leis an nGarda iniúchta a chuirfidh fiosruithe ar bith ar aghaidh chuig Oifig an Stiúrthóra Ionchúiseamh Poiblí.