7 Íospartaigh Choireachta

Nósanna Imeachta a Athbhreithniú

7.2 Bunaíodh Coiste uile-Oifige sa bhliain 2006 chun ár nósanna imeachta go léir i ndáil le cumarsáid le híospartaigh a athbhreithniú agus chun moltaí a dhéanamh maidir le feabhsuithe nuair is gá. Cé go raibh nósanna imeachta a bhí ann maidir le cumarsáid le híospartaigh ag obair go maith de réir dealraimh, rinneadh roinnt athruithe, mar thoradh ar obair an Choiste sin, atá dírithe go príomha ar a chinntiú go bhfaigheann íospartaigh eolas ar shlí thráthúil maidir le forbairtí ina gcás agus ar a chinntiú go gcuirtear in iúl dóibh go bhfuil siad i dteideal cruinniú réamhthrialach a bheith acu leis an bhfoireann dlí ionchúisimh. Tá obair an Choiste ar siúl go leanúnach.

Idirchaidreamh leis an nGarda Síochána

7.3 Leantar ar aghaidh san Oifig ag obair go dlúth leis an nGarda Síochána agus ceapadh comhalta sinsearach den Gharda Síochána le déanaí chun cumarsáid le híospartaigh a chomhordú.

Ellen O'Malley Dunlop, Príomhoifigeach Feidhmiúcháin, An tIonad Éigeandála um Éigniú

Táthar ag leanúint ar aghaidh san Oifig seo ag cloí le polasaí cumarsáid a bheith ann le híospartaigh nuair is féidir tríd an gcomhalta ionchúisimh arb é nó í an duine a mbeidh caidreamh forbartha aige nó aici leis an íospartach coireachta de ghnáth

ó Chlé: Maeve Ryan, Líne Chabhrach d'Íospartaigh Choireachta; Caroline Ryan, An Bord um Fhaisnéis do Shaoránaigh; Lisa Kennedy, Gníomhaireacht na hÉireann um Chúnamh Turasóireachta

Fáiltíonn an Stiúrthóir roimh thionscnamh de chuid an Gharda Síochána le déanaí ina gcuirtear, ó mhí na Nollag 2006, litreacha chuig an íospartach trí chóras IT PULSE an Gharda Síochána ina gcuirtear eolas riachtanach maidir le seirbhísí tacaíochta d'íospartaigh ar fáil dóibh agus in gcuirtear an dul chun cinn sa chás in iúl dóibh.

Barry Donoghue, An Leas-Stiúrthóir Ionchúiseamh Poiblí agus Rory Benville, Aturnae Stáit, Cill Mhantáin Thoir - ar comhaltaí den Choiste um Chumarsáid le hÍospartaigh iad beirt

Leabhráin Athbhreithnithe

7.4 Athbhreithníodh agus foilsíodh an dara leagan de na leabhráin eolais Ról an Stiúrthóra Ionchúiseamh Poiblí agus Ag Freastal sa Chúirt mar Fhinné sa bhliain 2006 freisin.

Tom Murphy, Ard-Cheannfort an Gharda Síochána agus Olive O'Neill, Tacaíocht d'Íospartaigh

Cé gur éacht ann féin na foilseacháin sin a bheith ann, aithnimid gurb é an dúshlán atá ann i ndáiríre a chinntiú go bhfaigheann na daoine is mó a dteastaíonn siad uathu na foilseacháin sin ag na tráthanna cuí. Táimid ag obair go dlúth leis an nGarda Síochána, leis an tSeirbhís Chúirteanna agus le grúpaí eile a thugann eolas don phobal chun iarracht a dhéanamh a chinntiu go bhfuil an t-eolas seo ar fáil do na daoine sin a dteastaíonn sé uathu.

Ó Chlé: An Dr. Derek Deasy, Síceolaí Cliniciúil Sinsearach, Aonad Naomh Clár, an tOspidéal Ollscoile Leanaí, Sráid an Teampaill; James Hamilton, An Stiúrthóir Ionchúiseamh Poiblí; Claire Loftus, An Príomh-Aturnae Ionchúisimh; An Dr. Graham Connon, An Roinn Síceolaíochta Cliniciúil, UCD

Tionscadal Taighde maidir le Tionchair Chóras Cheartas Coiriúil na hÉireann ar íospartaigh

7.5 Ag leanúint as an gcomhdháil a reáchtáil Oifig an DPP i gcomhar le Aonad Naomh Clár, Ospidéal na Leanaí, Sráid Teampaill, Baile Atha Cliath agus Aonad Naomh Louise, Ospidéal na Leanaí, Croimghlinn i mBaile Átha Cliath sa bhliain 2004, cuireadh obair mhór taighde i gcrích sa bhliain 2006 ina rabhthas ag déileáil le taithí íospartach ar leanaí iad agus a dteaghlaigh laistigh den chóras ceartais choiriúil. Bhí an taighde, a ndeachaigh dhá mhac léinn dochtúireachta ina bhun faoi mhaoirseacht Scoil na Síceolaíochta sa Choláiste Ollscoile, Baile Átha Cliath, mar an chéad taighde dá shórt ó thaobh iarracht a dhéanamh tuairimí tuismitheoirí agus leanaí a fhiosrú go cáilíochtúil agus chun dearcadh daoine gairmiúla éagsúla a bhíonn ag obair laistigh den chóras ceartais choiriúil a mheas.

7.6 Chuidigh Oifig an Stiúrthóra Ionchúiseamh Poiblí leis sin trí chásanna a raibh baint acu le híospartaigh mhí-úsáid ghnéasach ar leanaí iad a aithint agus comhordú leis an nGarda Síochána le go bhféadfaí, ar bhonn rúnda, a fháil amach cé chomh sásta is a bheadh an leanbh agus a dteaghlach a bheith rannpháirteach sa taighde sin. Bhain go leor fiúntais leis an taighde sin, a bhfuil sé beartaithe é a fhoilsiú in irisí dlí agus in irisí chúram sláinte, ó thaobh tuairimí agus taithí leanaí atá ag croílár cásanna den sórt sin a léiriú. Is cuid de staidéar leanúnach atá ar siúl ar fud na tíre é an taighde sin. Beidh sampla níos mó de thuismitheoirí agus de leanaí sa staidéar.

Ráitis Tionchair Íospartaigh

7.7 Rinneadh ráiteas tábhachtach maidir leis an dlí i ndáil le ráitis tionchair íospartaigh sa Chúirt Achomhairc Choiriúil i mbliana agus eisíodh treoirlínte i ndáil lena n-úsáid i gcásanna coiriúla. I gcás an Director of Public Prosecutions v. Wayne O'Donoghue (18/10/06), tugadh na nithe seo a leanas ar aird:

Ó Chlé: Gemma Moran, An Rannán Aturnaetha, Oifig an DPP; Mark Kelly, Stiúrthóir, An Chomhairle um Chearta Daonna; Joan Deane, ADVIC

• Cé go bhforáiltear san Oireachtas go bhféadfaidh íospartach choireanna éagsúla atá ina bheatha nó ina beatha ráiteas tionchair íospartaigh a thabhairt, níl foráil reachtach den sórt sin ann do theaghlaigh nó do chairde íospartaigh i ndúnbhású neamhdhleathach. Tá cleachtas forbartha ina bhfuil de rogha ag an mbreitheamh a chuireann pianbhreith ráiteas tionchair íospartaigh a cheadú in imthosca den sórt sin.

James Hamilton, An Stiúrthóir Ionchúiseamh Poiblí in éineacht le Jim McHugh, Cathaoirleach an Choimisiúin um Thacú le hÍospartaigh Choireachta

• Níor chóir ráiteas den sórt sin a cheadú ach ar choinníollacha diana: ba chóir é a chur faoi bhráid an bhreithimh a bheidh ag cur na pianbhreithe agus ionadaithe dlíthiúla an chúisí sula léifear nó sula ndéanfar an ráiteas féin. Ba chóir don bhreitheamh a bhíonn ag cur pianbhreithe foláireamh a thabhairt don duine a bhfuil sé beartaithe aige nó aici an ráiteas a dhéanamh go bhféadfadh sé go ndlífear é ní í maidir le díspeagadh cúirte má imíonn sé nó sí ó ábhar an ráitis, mar a cuireadh faoina bráid é, ar aon shlí ábhartha. I gcás go dtarlaíonn imeacht den sórt sin agus go mbíonn baint aige le líomhaintí gan bhunús nó graosta in aghaidh cúisí, féadfaidh an breitheamh a bheidh ag cur pianbhreithe é a bhreithniú mar ábhar le cur san áireamh i maolú na pianbhreithe atá le cur. Ní mór gach iarracht a dhéanamh freisin a chinntiú nach n-úsáidfear an ráiteas chun ról ceart an ionchúisitheora i dtriail a lagú, ná chun iarracht a dhéanamh líomhaintí gan bhunús nó neamhchruthaithe in aghaidh duine ciontaithe atá ag fanacht ar phianbhreith a chur os comhair an phobail.